今日終於鼓起勇氣，戴左我副新眼鏡返工。各同事對我呢個新形像的評價不一。
同事H﹕嘩，你做咩事呀﹖(戴下眼鏡姐~~唔使咁驚訝呀﹖=_= )
同事W﹕你好似小雲﹗ (其實你戴眼鏡o個時都好似小雲~hehe)
同事K﹕做咩今日咁可愛呀﹖ (都唔知係笑我定讚我﹖)
同事C﹕新架﹖幾好睇呀~ (你係第一個同事咁講~多謝你﹗)
同事T﹕幾好睇呀~ (竟然仲有第二個...多謝...)
綜合以上的意見，我諗我都係....
呀﹗仲漏左一個...
老闆﹕嘩~你副眼鏡咁似落disco既﹖ (落disco係唔會戴眼鏡架喎~)
我 (疑惑地笑)﹕似咩﹖
綜合以上的意見，我諗我都係...
間中戴下好喇...哈哈
沒有留言:
張貼留言